
马尔巴大师教言集MARPA39བློན་པོ་རིགས་གསུམ་ལས་བྱེད་དང་དམངས་ཕྲིས་མཐུན་སྦྱོར།
2-1-138b
༄༅། །བློན་པོ་རིགས་གསུམ་ལས་བྱེད་དང་དམངས་ཕྲིས་མཐུན་སྦྱོར།
༄༅། །བློན་པོ་རིག་(རིགས་)གསུམ་ལས་བྱེད་དང་དམངས་ཕྲིས་མཐུན་སྦྱོར་བཞུགས་སོ། །ན་མོ་གུ་རུ། ཐུན་མོང་ཡིད་བཞིན་ནོར་བུ་བློན་པོ་རིགས་གསུམ་ལས་བྱེད་ཀྱི་གདམས་པ་ལ་གསུམ་ལས། དང་པོ་བླ་མ་ལ་གསོལ་བ་གདབ་པ་ནི། རང་ཡི་དམ་དུ་བསྐྱེད་པའི་ཐུགས་ཀའི་ས་བོན་ལས་འོད་འཕྲོས་པས་བླ་མ་རང་བཞིན་གྱི་གནས་ནས་སྤྱན་དྲངས་ཏེ། རང་གི་སྤྱི་བོར་གཙུག་ཏུ་བྱོན་པ་དེའི་ཐུགས་ཀར་ཧཱུཾ་ཡོད་པ་ལས་འོད་ཟེར་འཕྲོས་པས་བཀའ་བརྒྱུད་ཀྱི་བླ་མ་རྣམས་སྤྱན་དྲངས་ཏེ། དེ་དག་ཐམས་ཅད་ཧེ་རུ་ཀའི་ཆ་བྱད་ཌཱ་མ་རུ་དང་རུས་པའི་རྒྱན་སིལ་སྒྲ་དང་བཅས་པ་མདུན་གྱི་ནམ་མཁའ་ལ་བྱོན་པ་དང་། ཡང་བླ་མ་ལས་འོད་འཕྲོས་པས་ཡི་དམ་དཀྱིལ་འཁོར་གྱི་འཁོར་ལོ་དུར་ཁྲོད་དང་བཅས་པ་དཔལ་རྡོ་རྗེ་རྣལ་འབྱོར་མའི་ཚོགས་སུམ་ཅུ་རྩ་བདུན་གྱིས་བསྐོར་བ་ཡང་སྤྱན་དྲངས། ཡང་ཕྱོགས་བཅུའི་མཁའ་འགྲོ་ཐམས་ཅད་
2-1-139a
སྤྱན་དྲངས་ནས་བྱོན་པ་ལ་གསོལ་བ་གདབ་པ་ནི། བླ་མ་རྡོ་རྗེ་འཛིན་པ་དང་། དཔལ་བདེ་མཆོག་འཁོར་ལོ་དང་། དཔལ་རྡོ་རྗེ་རྣལ་འབྱོར་མའི་ཚོགས་ཐམས་ཅད་ལ་བདག་སྐྱབས་སུ་མཆི་ལགས་ཀྱིས་བྱིན་གྱིས་བརླབ་ཏུ་གསོལ། བླ་མ་ཡི་དམ་མཁའ་འགྲོ་རྣམས་ཀྱི་ཐུགས་དགོངས་ཡོངས་སུ་གྲུབ་པ་དང་། གྲུབ་པ་ཡོངས་སུ་རྫོགས་པ་དང་། རྫོགས་པ་མཐར་ཕྱིན་པར་གྱུར་ཅིག །ཅེས་བརྗོད་པ་དང་། རང་ལ་ཡོན་ཏན་ཅི་ཡོད་པ་ཐམས་ཅད་བླ་མ་ལ་འབུལ། །ལུས་སྤྲུལ་ཏེ་ཕྱག་བྱ་བ་དང་། ཉེས་པ་རྣམས་བཤགས་པ་དང་། དུས་གསུམ་གྱི་(གྱིས་)བསགས་པའི་དགེ་བའི་རྩ་བ་ཐམས་ཅད་བསྡུས་ནས་དེ་དག་ཟག་པ་མེད་པའི་བདེ་བ་ཆེན་པོ་དང་ལྡན་ཞིང་། རང་ཡང་བདེ་སྟོང་ལྷན་ཅིག་སྐྱེས་པའི་ངང་ལ་མ་བཅོས་པར་བཞག་པས་དེ་དག་ཐམས་ཅད་ཀྱང་འོད་དུ་ཞུ་ནས་བླ་མ་ལ་ཐིམ་པས་རང་གི་བླ་མ་ཡང་གཟི་བརྗིད་ཆེར་འབར་ནས་ཧེ་རུ་ཀའི་རྣམ་པར་གྱུར་པ་ལ། འདི་སྐད་དུ། བླ་མ་རྡོ་རྗེ་འཆང་ཆེན་པོས་བདག་ལ་བྱིན་གྱིས་བརླབ་ཏུ་གསོལ། [ཞེས་ལན་གསུམ་གསོལ་བ་གདབ་ཅིང་།] དེ་ནས་མཐར་རང་ལ་ཐིམ་པས་རང་ཡང་ཐུགས་ཀའི་ས་བོན་ཧཱུཾ་ཡོད་པ་ལ་འཇུས། དེ་རང་ཡལ་དུ བྱས་པས་དེ་ནས་རང་གི་ལུས་ངག་ཡིད་གསུམ་ལ་བླ་མའི་བྱིན་རླབས་ངེས་པར་ཞུགས་
2-1-139b
པས་བར་དུ་གཅོད་པ་ཐམས་ཅད་ཀྱིས་མི་ཚུགས་པར་བསམ་ཞིང་། མཐར་སྐད་ཅིག་ལ་སྒྱུ་ལས་ལྷའི་སྐུ་འོད་གསལ་གྱི་ངོ་བོ་སྟོང་པ་ཟུང་འཇུག་གི་བདག་ཉིད་ལ་སྤྱོད་ལམ་བྱའོ། །གཉིས་པ་ཏིང་ངེ་འཛིན་གྱི་དབང་བསྐུར་བ་ནི། བླ་མ་དྲན་པ་ཙམ་གྱིས་རང་གི་མདུན་གྱི་ནམ་མཁའ་ལ་བྱོན་ཏེ། དེར་སྣ་ཚོགས་པདྨ་དང་ཉི་མའི་གདན་ལ་ཧེ་རུ་ཀ་རྡོ་རྗེ་འཆང་གི་རང་བཞིན་ལ། ཕྱི་ནང་གསང་བའི་མཆོད་པ་ཕུལ་ཏེ། བླ་མ་རྡོ་རྗེ་འཛིན་པ་ཆེན་པོས་བདག་ལ་དབང་བསྐུར་བར་མཛད་དུ་གསོལ་ཞེས་གསོལ་བ་བཏབ་པས། བླ་མའི་སྨིན་མཚམས་དང་། མགྲིན་པ་དང་། གསང་བ་དང་། ཐུགས་ཀ་ནས་འོད་ཟེར་ཤར་གྱིས་བྱུང་། རང་གི་སྨིན་མཚམས་ལ་སོགས་པར་ཟུག་ཅིང་ཐིམ་པས་དབང་བཞི་ངོ་སྤྲད་དེ། དེས་དག་བྱ་རྣམས་དག་ཐོབ་བྱ་རྣམས་དང་ལྡན་པར་བྱས་པ་ནི་ཏིང་ངེ་འཛིན་གྱི་དབང་ངོ་། །གསུམ་པ་ཡི་གེ་བརྒྱ་པའི་བསྙེན་པ་བྱ་བ་ནི། རང་གི་སྤྱི་བོར་པད་མ་དང་ཟླ་བའི་སྟེང་དུ་དཔལ་རྡོ་རྗེ་སེམས་དཔའ་ཧེ་རུ་ཀའི་རང་བཞིན་སྐུ་མདོག་དཀར་པོ་ཞལ་གཅིག་ཕྱག་གཉིས་པ་རྡོ་རྗེ་དང་དྲིལ་བུ་བསྣམས་ཤིང་། ཡུམ་སྐུ་མདོག་དམར་མོ་ལ་འཁྱུད་པ། ཡུམ་ཡང་ཕྱག་མཚན་དེ་ལྟ་བུ་དང་ལྡན་པ། གར་སྟབས་ཀྱིས་རུས་པའི་རྒྱན་སིལ་སྒྲ་དང་བཅས་པར་བསྒོམ་སྟེ། དེའི་སྐུ་ལས་འོད་འཕྲོས་པས་འོག་མིན་ནས་དེ་འདྲ་བ་སྤྱན་དྲངས་
2-1-140a
ལ་བསྟིམ། དེ་ནས་ཧེ་རུ་ཀའི་ཡིག་བརྒྱ་བཟླས་པས་ཡབ་ཡུམ་སྙོམས་པར་ཞུགས་ཏེ་བདུད་རྩི་བབས་པས་ཕྱི་ནང་གི་སྡིག་སྒྲིབ་ཐམས་ཅད་དག་པར་བྱས་ནས་མཐར་ལྷ་དང་བདག་ཀྱང་སྟོང་པའི་ངང་དུ་བྱས་ལ། དེ་རྣམས་ལ་བསྲེ་བའི་གནད་ཚང་བ་ཡིན་གསུང་ངོ་། །སྔོན་དུ་འགྲོ་བའི་ཆོས་གསུམ་གྱི་བློན་པོ་རིགས་གསུམ་ལས་བྱེད་བསྡུས་ཏེ་བསྟན་པའོ། །ད་ནི་ཕྲིན་ལས་མཐུན་སྦྱོར་གྱི་གདམས་པ་ལ་བདུན་ལས། དང་པོ་བགོ་བ་གོས་ཀྱི་རྣལ་འབྱོར་ནི། ཨོཾ་བཛྲ་དྷྲི་ཀ་ཨོཾ་ཧཱུཾ་ཨཱཿ [ཞེས་པས་ཞྭ་མེ་བསྐྱོད་པའི་ངོ་བོར་བྱིན་རླབས་ནས་གོན་ནོ། །[ཞེས་པས་ཞྭ་མེ་བསྐྱོད་པའི་ངོ་བོར་བྱིན་རླབས་ནས་གོན་ནོ། །]]ཨོཾ་ཏྲཱྃཨཱཿ [ཞེས་པས་མགུལ་རྒྱན་རིན་ཆེན་འབྱུང་ལྡན་དུའོ། །[ཞེས་པས་མགུལ་རྒྱན་རིན་ཆེན་འབྱུང་ལྡན་དུའོ། །]]ༀ་ཨཱཿཁཾ་[ཞེས་པས་སྐེ་རགས་དོན་ཡོད་གྲུབ་པར་རོ། །[ཞེས་པས་སྐེ་རགས་དོན་ཡོད་གྲུབ་པར་རོ། །]]ཨོཾ་ཧྲཱིཿཨཱཿ [ཞེས་པས་སྣ་ཆ་འོད་དཔག་མེད་དོ། །[ཞེས་པས་སྣ་ཆ་འོད་དཔག་མེད་དོ། །]]ཨོཾ་བྷྲུཾ་ཨཱཿ [ཞེས་པས་ལག་གདུབ་རྣམ་སྣང་དུའོ། །[ཞེས་པས་ལག་གདུབ་རྣམ་སྣང་དུའོ། །]]ༀ་ཨཱ༔ཧཱུྃ་[ཞེས་པས་སྟོད་གཡོགས་གླང་པོ་ཆེའི་ལྤགས་པ་དང་། སྨད་དཀྲིས་སྟག་གི་ལྤགས་པ་དྲན་པར་བྱའོ། །[ཞེས་པས་སྟོད་གཡོགས་གླང་པོ་ཆེའི་ལྤགས་པ་དང་། སྨད་དཀྲིས་སྟག་གི་ལྤགས་པ་དྲན་པར་བྱའོ། །སྒོམ་ཐག་བྱིན་རླབས་པ་ནི།]སྒོམ་ཐག་བྱིན་རླབས་པ་ནི།] ཨོཾ་ཨཱ་ཧཱུྃ་ཞེས་པས་སྐུ་གསུང་ཐུགས་ཀྱི་འོད་ཟེར་དྲྭ་བའི་རྣམ་པ་ལྟ་བུ་ལས་ཐོག་མར་ཨོཾ་ནས་ཨཱ་ལི་ཀཱ་ལིའི་མཐར་སྭཱ་ཧཱའི་བར་དུ་ཕྲེང་བ་ཉམས་སྟབས་ཀྱིས་བསྣོལ་མར་བཅུག་པར་བསམ་ལ་བྱིན་གྱིས་བརླབ་བོ། །དེ་ནས་ཁྲུས་ཀྱི་རྣལ་འབྱོར་ནི། དང་པོ་ཕྱིའི་ཁྲུས་བུམ་པའི་ཆུས་བཀྲུ་ཞིང་། ཨོཾ་ཤྲཱི་སརྦ་ཏ་ཐཱ་ག་ཏ་ཨ་བྷི་ཥིཉྩ་ས་མ་ཡ་ཤྲཱི་ཡེ་ཧཱུཾ། ཞེས་མཆོད་པའི་ལྷ་མོས་བུམ་པའི་ཆུ་བླུག་ཅིང་བཀྲུ་བར་བསམ་པར་བྱའོ། །
2-1-140b
ནང་གི་ཁྲུས་ནི། འོག་མིན་ནས་བདེ་མཆོག་ཡབ་ཡུམ་གྱི་སྦྱོར་མཚམས་ནས་བྱང་ཆུབ་སེམས་ཀྱི་ལྷ་མོ་བཞིས་རང་གི་སྤྱི་གཙུག་ཏུ་ཐོད་པས་བླུགས་པར་བསམ་མོ། །གསང་བའི་ཁྲུས་ནི། སྤྱི་བོའི་ཧཾ་ལས་བྱང་སེམས་བབས་ནས་རྩ་གནས་ཐམས་ཅད་ལ་ཁྱབ་པར་བསམ་མོ། །དེ་ཁོ་ན་ཉིད་ཀྱི་ཁྲུས་ནི། རང་སེམས་གཉིས་མེད་དུ་རྟོགས་པས་མ་རིག་པའི་དྲི་མ་དང་བྲལ་བའོ། །མཎྜལ་གསོལ་བ་འདེབས་པའི་རྣལ་འབྱོར་ནི། སྤྲོས་བཅས་སའམ་རིན་པོ་ཆེ་ལས་བྱས་པའི་མཎྜལ་དབུལ་ལོ། །སྤྲོས་མེད་རང་གི་ལུས་ཀྱི་ནང་དུ་འབུལ་བ་སྟེ། དེ་ཡང་ལུས་སྐྱིལ་ཀྲུང་ལག་པ་མཉམ་བཞག་བྱ། དེ་ནས་སྟེང་རླུང་མནན་ཏེ། རང་གི་ལྟེ་བ་སྤྲུལ་པའི་འཁོར་ལོ་རྩ་འདབ་དམར་པོ་ལ་ཡིག་འབྲུ་དཀར་པོ་དབུས་ན་ཨཱཿ་རྩ་འདབ་བརྒྱད་ལ་གཡོན་བསྐོར་དུ་རིམ་པ་བཞིན་དུ་ཨ་ཀ་ཙ་ཀྲ་ཏ་པ་ཡ་ཤ་[ཞེས་ཚོམ་བུའི་ཚུལ་ལོ། །[ཞེས་ཚོམ་བུའི་ཚུལ་ལོ། །དེ་ནས་རླུང་བག་ཙམ་བསྐུལ་བས།]དེ་ནས་རླུང་བག་ཙམ་བསྐུལ་བས།]ཨཱཿདེ་ལས་བདུད་རྩི་ལྔའི་རང་བཞིན་བབས་པས་གོང་མ་རྣམས་འོད་ཟེར་དུ་འབར་ཏེ་སྤྱི་བོར་བླ་མ་བཞུགས་པ་ལ་དབུལ་བར་བསམ་མོ། །ཤིན་ཏུ་སྤྲོས་མེད་ནི། ཚད་མེད་བཞིའི་ཚོམ་བུའི་དབུས་སུ་བྱང་ཆུབ་སེམས་ཀྱི་རང་བཞིན་ཟག་པ་མེད་པའི་ཡེ་ཤེས་སུ་དབུལ་བར་བྱའོ། །ཆོས་སྤྱོད་ཡན་ལག་བདུན་པ་ནི། རང་གི་དྷྲུཾ་ཞེས་བརྗོད་པས་རིན་པོ་ཆེའི་གཞས་ཡས་ཁང་དུ་བསྐྱོད། དེར་རིན་པོ་ཆེའི་ཁྲི་བླ་མ་རྡོ་རྗེ་འཛིན་པའི་ངོ་
2-1-141a
བོར་བཞུགས་པར་བསྒོམ་པའི་མཐའ་སྐོར་དང་སྟེང་འོག་ཐམས་ཅད་ནས་ཡི་དམ་དང་བཀའ་བརྒྱུད་ཀྱི་བླ་མ་རྣམས་བཞུགས་པ་ལ། ལུས་ཀྱིས་ཕྱག་འཚལ། ངག་གིས་སྐྱབས་འགྲོ། སེམས་ཀྱིས་མཆོད་པ་ཕུལ། འགྱོད་པའི་སྒོ་ནས་སྡིག་པ་བཤགས། དགེ་བ་ལ་རྗེས་སུ་ཡི་རང་། བླ་ན་མེད་པའི་ཆོས་ཀྱི་འཁོར་ལོ་བསྐོར། ཇི་སྲིད་མྱ་ངན་ལས་མི་འདའ་བར་གསོལ་བ་གདབ། དགེ་བའི་རྩ་བ་ཐམས་ཅད་བསྔོ་བར་བྱ་ཞིང་། [ངག་ཏུ་ཡང་།] བླ་མ་རྡོ་རྗེ་སློབ་དཔོན་དང་། །བདེ་མཆོག་འཁོར་ལོ་རྣལ་འབྱོར་མ། །སྐུ་གསུང་ཐུགས་ཀྱི་དཀྱིལ་འཁོར་མཆོག །བདག་ལ་ཐུགས་རྗེས་གཟིགས་སུ་གསོལ། །སྡིག་པའི་ཚོགས་རྣམས་ཅི་བགྱིས་པ། །དེ་དག་ཐམས་ཅད་སོ་སོར་བཤགས། །ལུས་དང་ངག་དང་ཡིད་ཀྱིས་ནི། །གུས་པའི་སྒོ་ནས་བདག་ཕྱག་འཚལ། །སྐུ་གསུམ་ལྷུན་གྲུབ་ཡི་དམ་ལྷ། །བླ་མེད་གསུམ་ལ་སྐྱབས་སུ་མཆི། །བདེ་བ་ཆེན་པོའི་རང་བཞིན་ལ། །ཕྱི་ནང་གསང་བའི་རོལ་པས་མཆོད། །གང་གི་དུས་གསུམ་བསགས་པ་ཡི། །དགེ་བའི་ཚོགས་ལ་རྗེས་ཡི་རང་། །ཐེག་པ་ཆེན་པོ་བླ་མེད་ཀྱི། །ཆོས་ཀྱི་འཁོར་ལོ་བསྐོར་བར་བསྐུལ། །ཕྱོགས་བཅུ་དུས་གསུམ་བཞུགས་པ་རྣམས། །མྱ་ངན་མི་འདའ་བཞུགས་གསོལ་འདེབས། །དུས་གསུམ་བསགས་པའི་དགེ་བ་རྣམས། །བྱང་ཆུབ་ཆེན་པོར་བསྔོ་བར་བགྱི། །མཐའ་ཡས་སེམས་
2-1-141b
ཅན་མ་ལུས་པ། །བདེ་བའི་ངང་དུ་རྒྱལ་གྱུར་ཅིག །[ཁ་ཟས་བདུད་རྩིར་བསྒྱུར་བའི་རྣལ་འབྱོར་ནི། རབ་འོད་གསལ། འབྲིང་སྒྱུ་ལུས། ཐ་མ་ཡི་དམ་གྱི་ལྷ་མཆོད་པའི་ཚུལ་དུ་བཟའ་སྟེ།] ཨོཾ་ཨཱཿཧཱུཾ་ཞེས་པས་རང་ཉིད་ལྷར་གནས་པར་གསལ་གདབ། དེ་ནས་ཨོཾ་ཞེས་བརྗོད་པས་སྣོད་རིན་པོ་ཆེའི་ཐོད་པ་དུམ་བུ་གཅིག་ཏུ་བསམ། ཨཱ་ཞེས་བརྗོད་པས་ཟས་བདུད་རྩིའི་རང་བཞིན་དུ་གྱུར་པ་ལ་མི་གཙང་བ་དང་མ་དག་པ་ཐམས་ཅད་ཁོལ་བས་ཕྱིར་ལུད་ནས་འོ་མའི་རྣམ་པ་ལྟ་བུ་གསལ། ཧཱུཾ་ཞེས་བརྗོད་པས་རང་གི་ཐུགས་ཀར་བདེ་མཆོག་ཡབ་ཡུམ་བཞུགས་པ་ལས། སྤྱི་བོའི་ཧཾ་ལས་བྱང་སེམས་བབས་ནས་ཕྱག་གཡོན་གྱི་ཐོད་པར་བྱ་བར་གསོལ་བར་བསམ་མོ། །དེ་དག་ཀྱང་བདེ་སྟོང་དུ་ཕྲིལ་གྱིས་སོང་བས་གསོལ་བའོ། །དེ་ནས་ཨོཾ་ཨཱཿཧཱུྃ་ཞེས་བརྗོད་པས་ལུས་ངག་ཡིད་གསུམ་ལའང་དེ་དག་བསྡུས་ལ་སྟོང་པའི་ངང་ལ་བཞག་གོ །འགྲོ་ལས་ལམ་དུ་ཁྱེར་བའི་སྤྱོད་ལམ་གྱི་རྣལ་འབྱོར་ནི། རབ་འོད་གསལ་གྱི་ངང་ལས་སྣང་བ་ཆོས་སྐུར་ཁྱེར་ནས་འགྲོ། འབྲིང་སྒྱུ་ལུས་རྟོགས་པའི་ངང་ནས་རང་གི་རིག་པ་ལམ་དུ་ཁྱེར་ནས་འགྲོ། ཐ་མ་སུ་དང་ཕྲད་ཀྱང་ཡི་དམ་བདེ་མཆོག་དང་རྣལ་འབྱོར་མ་རུ་བསྒོམ། སྒྲ་ཐམས་ཅད་སྔགས་ཀྱི་རང་སྒྲ། སྣོད་ཀྱི་འཇིག་རྟེན་ས་ཆུ་མེ་རླུང་ལ་སོགས་པ་གང་ཤར་བདེ་བ་ཅན་གྱི་ཞིང་ཁམས་སམ། ཨར་མོ་ལི་ཀའི་རྡོ་ལེབ་ལྟ་བུ། མནན་ན་ནེམ་བྱེད་པ་བཏེགས་ན་སྤར་བྱེད་པའོ། །
2-1-142a
དེ་དག་ལམ་དུ་ཁྱེར་བས་ད་ལྟར་གྱི་སྣང་བ་འདི་འགྱུར་བ་ལ་ཚེགས་མེད་དོ། །ཉལ་བའི་དུས་ཀྱི་རྣལ་འབྱོར་ནི། ཉལ་བ་འོད་གསལ་ཆོས་སྐུའི་ངང་ལ་ཉལ། རྨི་ལམ་ལོངས་སྐུའི་རང་བཞིན། དེ་ལས་སད་པ་སྤྲུལ་སྐུའི་བདག་ཉིད་དུ་སད་ནས། རྣལ་འབྱོར་མའི་གླུས་བསྐུལ་བ་སྟེ། འཁྲུལ་པའི་བག་ཆགས་ཀྱི་གཟུགས་བརྙན་ལ་སྤྱོད་པ་ཙམ་དུ་སྣང་ཡང་ངོ་བོ་སྟོང་པ་གྲུབ་པ་མེད་པའི་སྒྱུ་ལུས་སོ། །རང་སེམས་སྤྲོས་པ་ཐམས་ཅད་དང་བྲལ་བ་དྲན་མེད་དུ་གནས་པ་འོད་གསལ་བའོ། །མདོར་ན་སྒྱུ་ལུས་འོད་གསལ་ལམ་དུ་བྱེད་པའོ། །བློན་པོ་རིགས་གསུམ་ལས་བྱེད་དང་དམངས་འཕྲིན་ལས་མཐུན་སྦྱོར་གྱི་གདམས་པ་མར་པས་སྦྱར་བའོ།། །།དགེའོ། །


目录
བློན་པོ་རིགས་གསུམ་ལས་བྱེད་དང་དམངས་ཕྲིས་མཐུན་སྦྱོར།